Ano ang Panghalip, Uri at Mga Examples o Halimbawa
Malawak ang sakop ng pag-aaral ng wika. Isa sa mga mahahalagang bahagi nito ang pagkilala sa mga salitang ginagamit bilang alternatibo sa mga pangngalan o sa iba pang mga salita sa pangungusap. Ang mga salitang ito ay ang tinatawag nating panghalip.
Sa artikulong ito, tatalakayin natin ang kahulugan ng panghalip, ang iba't ibang uri nito, at pag-uusapan din natin ang mga halimbawa nito.
{tocify} $title={Table of Contents}
Advertisement
Continue reading
Ano ang Panghalip?
Ang panghalip ay isang bahagi ng pananalita sa wikang Filipino. Ito ay ginagamit bilang kapalit o alternatibo sa pangngalan upang hindi ito maulit-ulit sa sa isang pangungusap o talata.
Ang panghalip ay nagbibigay-daan upang maiwasan ang paulit-ulit na paggamit ng parehong pangngalan o upang itukoy ang isang bagay o tao na nabanggit na sa naunang bahagi ng usapan.
Advertisement
Continue reading
Panghalip in English
Sa wikang Ingles, ang panghalip ay tinatawag na pronoun. Ang pronouns ay mga salitang ginagamit bilang pamalit sa mga pangngalan nang sa ganoon ay maiwasan ang pag-uulit at gawing mas maikli at mas malinaw ang mga pangungusap.
Ang panghalip bilang isang bahagi ng pananalita ay binubuo ng pitong uri. Ito ang panghalip panao, panghalip pamatlig, panghalip panaklaw, panghalip pananong, panghalip paari, panghalip pamanggit, at panghalip patulad
Mga Uri ng Panghalip
Panghalip Panao
Ang mga panghalip panao ay tumutukoy sa mga tao. Mas kilala ito sa tawag na personal pronouns sa Ingles.
Mga Halimbawa ng Panghalip Panao
- Ako
- Ikaw
- Ka
- Amin
- Siya
- Kami
- Tayo
- Kanila
- Kaniya
Panghalip Pamatlig
Ang panghalip pamatlig ay ginagamit upang ituro o ipakita ang isang bagay o tao. Sa wikang Ingles, kilala ito sa tawag na demonstrative pronouns.
Mga Halimbawa ng Panghalip Pamatlig
- Ito
- Iyan
- Iyon
- Nito
- Niyan
- Diyan
- Roon
- Doon
Panghalip Panaklaw
Ang panghalip panaklaw ginagamit upang pamalit sa pangngalan na sumasaklaw sa kabuuan o bahagi lamang. Sa Ingles, ito ay ang mga tinatawag na indefinite pronouns.
Mga Halimbawa ng Panghalip Panaklaw
- Bawat isa (everyone)
- Lahat (all)
- Alinman/Anuman (anything)
- Sinuman (anyone)
- Kaunti (few or a few)
- Madami/Marami (many or a lot)
- Sa lahat ng dako (everywhere)
- Saanman (anywhere)
Panghalip Pananong
Ang panghalip pananong ay ginagamit sa pagtatanong. Mas kilala ito sa tawag na interrogative pronouns sa Ingles.
Mga Halimbawa ng Panghalip Pananong
- Sino
- Sino-sino
- Ano
- Ano-ano
- Alin
- Kanino
- Kani-kanino
- Paano
- Gaano
- Gaa-gaano
Panghalip Paari
Ang panghalip paari ay nagpapakita ng pag-aari sa isang bagay. Sa Ingles, ito ay possessive pronouns.
Mga Halimbawa ng Panghalip Paari
- Akin
- Atin
- Iyo
- Kanya
- Kanila
- Amin
- Nila
- Inyo
Panghalip Pamanggit
Ang panghalip pamanggit ay ginagamit upang pag-ugnayin ang dalawang kaisipan o pananalita. Kilala rin ito sa tawag na relative pronouns sa Ingles.
Mga Halimbawa ng Panghalip Pamanggit
- Ani
- Raw (kapag ang sinusundang salita ay nagtatapos sa patinig)
- Daw (kapag ang sinusundang salita ay nagtatapos sa katinig)
- Umano
- Diumano
Panghalip Patulad
Ang panghalip patulad ay tumutukoy sa paggamit ng mga salita upang matukoy, pagkumparahin at paghambingin ang mga kaisipan o ideya.
Mga Halimbawa ng Panghalip Patulad
- Ganiyan
- Ganito
- Ganoon
Advertisement
Continue reading
Mga Halimbawa ng Panghalip sa Pangungusap
1. Ako ay pumunta sa Baguio noong nakaraang linggo.
2. Nakita ko si John na hawak ang librong iyan. Siya ba ang may-ari ng librong iyan?
3. Siya ang nagdala ng pagkain para sa ating lahat.
4. Iyon ang asa ng bago nating kapitbahay.
5. Ako ay isang Pilipino.
6. Lumapit ka dito at may ibibigay ako.
7. Siguradong ligtas diyan ang alagang baboy.
8. Ang cellphone na ito ay akin.
9. Ang gara naman ng iyong damit.
10. Saan ka pumunta kahapon?
Advertisement
Continue reading
Pangwakas
Bilang pangwakas, ating napag-alaman na ang panghalip ay hindi lamang simpleng elemento sa pagbuo ng makabuluhang pangungusap. Ito ay nakakatulong din sa pagkakaroon ng mgandang daloy sa pakikipagkomunikasyon.
Sa pamamagitan ng panghalip, mas napapadali ang pagpapahayag ng ating mga ideya nang hindi kinakailangang ulit-ulitin ang pangalan ng isang tao, bagay, lugar, pangyayari, at iba pa.
Sana ay nabigyang-linaw ang mga katanungan niyo at nadagdagan ang kaalaman niyo. Huwag kalimutang patuloy na pagyamanan ang ating kultura at wika sa pamamagitan ng masusing pag-aaral at pag-unawa. Hanggang sa muli!
Mga Kaugnay na Aralin: