Mga Nilalaman
Unang Tula tungkol sa Pag-ibig - Magpakailanman
Sa pag-ibig ay walang takot
Walang hanggan, walang sukot
Sa puso ko ay ikaw lamang
Ngayon, bukas at magpakailanman.
Sa bawat araw, pag-ibig ko'y nangingibabaw,
Mas tumitingkad katulad ng araw
Sa gabi, pag-ibig ko'y parang bituin,
Nagbibigay liwanag sa dilim.
Pag-ibig natin ay tapat at matatag
Anumang unos ang dumating, hindi matitinag
Sa bawat pagsubok, lalo pang tumitibay
Pag-ibig natin ay patuloy na sumisiklab.
Sayo lamang iaalay ang walang hanggang pag-ibig
Sa bawat sandali at sa bawat araw, tayo'y titindig
Dahil ang pag-ibig natin ay walang hanggan
Ngayon, bukas at magpakailanman.
Basahin Din: Ano ang Tula?
Ikalawang Tula tungkol sa Pag-ibig - Hindi Matatawaran
Pag-ibig ko sayo'y hindi matatawaran
Walang sinuman ang kaya itong pesyohan
Dahil sa bawat alon ng ating damdamin
Pag-ibig natin ay mas lalong patitibayin.
Sa pagsapit ng umaga, ikaw ang liwanag,
Nagiging malakas dahil sa iyong sinag
Sa pagdating ng gabi, ikaw naman ang bituin
Sa aking mga mata, ikaw ay nagniningning.
Pag-ibig natin, para ding musika
May himig, may ritmo, may melodiya
Sa bawat nota, damdamin ay buhay
Ang pag-ibig natin ang siyang awit ng buhay.
Sa pag-iibigan natin ay walang iwanan,
Sa hirap at ginhawa, magkasama ng walang hanggan
Pagkat pag-ibig natina ay hindi matatawaran
Mas tumitibay sa bawat araw na dumaraan.
Basahin Din: Ano ang Pabula?
Ikatlong Tula tungkol sa Pag-ibig - Umaraw man o Umulan
Pag-ibig ko'y parang ulan, ito'y bumubuhos
Ito ay walang humpay sa pag-agos
Tanda na ang pag-ibig ko'y hindi kapos
Dahil ang lahat ay handa kong ibubuhos.
Pag-ibig ko'y, parang araw din
Sa bawat araw, ika'y aking pasasayahin
Tulad ng araw na nagbibigay init at liwanag
Pag-ibig ko'y magiging gabay at lakas, magandang dilag.
Sa pag-ulan ng pag-ibig, tayo'y sumasaya,
Parating magkasama sa lungkot at biyaya
Pag-ibig natin, laging malakas
Mamumutawi sa bibig na tunay itong wagas.
Pag-ibig nga natin ay parang araw
Nagbibigay buhay, nagbibigay kulay
Pag-ibig natin ay naglalagablab at hindi kulang
Walang makakapigil, walang makakahadlang.
Basahin Din: Bakit Mahalaga ang Komunikasyon?
Ika-apat na Tula tungkol sa Pag-ibig - Hindi Matitinag
Pag-ibig ko'y parang bundok, ito'y matibay at matatag
Sa bawat unos at bagyo na dadating, ito'y hindi matitinag
Tulad ng bundok ay matayog itong nakatindig
Maaari mong sandalan, iyan ang aking pag-ibig.
Sa bawat pag-ikot ng oras at paglipas ng araw
Pag-ibig ko'y laging totoo at hindi malulusaw
Tulad ng araw na laging sisikat kahit may ulap
Pag-ibig ko'y seryoso at laging tapat.
Pag-ibig ko'y parang dagat rin na malalim
Hindi masusukat ang aking pagmamahal
Handang ibigay ang lahat dahil pag-ibig ko'y taimtim
Walang makakahadlang, walang makakasagabal
Lumipas man ang panahon, ito'y hindi magbabago
Ang pag-ibig ko'y mananatiling wagas at totoo
Iko'y magsisilbing kanlungan sa oras ng iyong kahinaan
Sa bawat hamon ng buhay, ako'y iyong masasandigan.
Basahin Din: Kahulugan ng Karunungang Bayan at Mga Uri Nito
Ikalimang Tula tungkol sa Pag-ibig - Walang Katumbas
Anumang bagay ang siyang dumating
Pag-ibig ko'y mananatiling totoo pa rin
Walang katulad, walang katumbas
Patuloy na uusbong, hindi aatras.
Sa bawat pag-ikot ng oras at paglipas ng araw
Ang pag-ibig ko ay walang kapantay
Ito ay hinding-hindi magbabago
Lagi itong magiging tapat at totoo.
Tulad ng ulap, ito ay malambot at magaan
Anumang problema, ako'y gagawa ng paraan
Tulad ng ulap na nagbibigay anino sa init ng araw
Mananatiling totoo kahit mapaso pa ng mainit na sabaw.
Ang pag-ibig ko'y hindi magbabago
Hindi ka magiging kabado
Dahil ang pag-ibig ko'y hindi butas
Ito rin ay walang katumbas.
Basahin Din: Ano ang Panghalip?
Pangwakas
Tunay na makapangyarihan ang pag-ibig maging ang salita. Kaya kung pagsasamahin gamit ang tula, makakabuo ng isang magandang obra.
Ang mga tula tungkol sa pag-ibig ay tunay na nakakabighani. Nagbibigay ito ng kakaibang sangkap na siyang nagpapaganda sa daloy ng bawat salita, lalo na kung gagamitin bilang pangharana.
Muli, sana ay nagustuhan mo ang mga tulang ginawa ko.
Basahin Din: Wastong Gamit ng Ng at Nang